تحدي الشيئ وظله | Shadow Pairing Matching Game
36 قطعة خشبية ملوّنة مع 6 كروت وش وظهر لمطابقة الشكل بظله؛ الطفل يلاحظ الشكل، يدور على القطعة المناسبة ويحطها مكان ظلها، في نشاط يشجع التركيز والتمييز البصري.
تحدي الشيء وظله لعبة مطابقة بصرية فيها 36 قطعة خشبية ملوّنة و6 كروت وش وضهر، يعني 12 وجه لعب، وكل وجه فيه 9 ظلال. الطفل يبص على الظلال الموجودة في الكارت، يدور وسط القطع على الصورة المطابقة، وبعدها يحط كل قطعة فوق ظلها الصحيح. ومع تغيير الكارت بيتغير ترتيب الصور والتحدي.
بتساعد الطفل في إيه؟
- التركيز والملاحظة: يدقق في تفاصيل الظل علشان يعرف أنهي قطعة مناسبة له.
- التمييز البصري: يربط بين شكل الصورة الملوّنة وشكلها من غير ألوان.
- المطابقة والتصنيف: يختار القطعة الصحيحة من بين مجموعة قطع مختلفة.
- التآزر بين العين والإيد: يمسك القطعة ويوجهها لمكانها الصحيح على الكارت.
- التذكر: مع تكرار اللعب يبدأ يتعرف على الصور والظلال بشكل أسرع. وأشكال الحيوانات والفواكه وأسمائها
- التجربة وإعادة المحاولة: لو اختار قطعة مش مناسبة، يرجع يدور ويجرّب اختيار تاني.
المهارات المستهدفة
التركيز، الملاحظة، التمييز البصري، المطابقة، التذكر، التآزر بين العين والإيد، والمهارات الحركية الدقيقة.
طريقة اللعب:
اختار واحد من أوجه اللعب الـ12 وحطه قدام الطفل، وبعدها حط القطع الملوّنة جنبه. الطفل يدور على القطعة اللي بتطابق كل ظل ويحطها في مكانها، لحد ما يكمل الـ9 ظلال الموجودة في الوجه. بعد ما يخلص، اقلب الكارت أو اختار كارت تاني علشان يبدأ ترتيب جديد.
مناسبة لمين؟
مناسبة للأطفال من 3 سنوات فأكثر وينفع أقل من كده حسب مهارات الطفل ومساعدة الوالدين ، خصوصًا اللي بيحبوا ألعاب المطابقة والبحث والملاحظة والأنشطة اللي بيشتغلوا فيها بإيديهم. وتقدر تبدأ مع الطفل بمساعدته في أول مرة، وبعد ما يفهم الفكرة يجرّب يكمل المطابقة بنفسه.