بيض مطابقة الأشكال والألوان – 12 بيضة | Matching Eggs Shape & Color Set

بيض مطابقة الأشكال والألوان – 12 بيضة لعبة بسيطة ومرحة بتوفر مساحة للاكتشفا من خلال فتح

كل بيضة ويكتشف اللي جواها، وبعدها يدور على النص اللي بيكمّلها بنفس الشكل واللون علشان يقفلها صح.

كل بيضة فيها شكل ولون مختلف، وده بيخلي الطفل يلعب بالملاحظة والتجربة: يفتح، يقارن، يجرّب، ولو النص مش مناسب يدور على غيره لحد ما يوصل للمطابقة الصح. ومع وجود 12 بيضة يفضل قدامه أكتر من اختيار وتجربة في كل مرة.

بتساعد الطفل في إيه؟

اللعبة بتساعده يتعرّف على الأشكال والألوان بطريقة عملية وهو ماسك القطع بإيده، مش مجرد بيتفرج عليها.

وكل مرة يختار نص بيضة ويحاول يطابقه بالنص المناسب، هو بيتدرّب طبيعي على الملاحظة والتركيز والمطابقة وحل المشكلات البسيطة.

كمان فتح البيض، مسك الأنصاف، وتوجيهها علشان تقفل صح بيساعد على التآزر بين العين والإيد والمهارات الحركية الدقيقة.

المهارات المستهدفة

التعرّف على الأشكال والألوان – المطابقة – التركيز والملاحظة – حل المشكلات البسيطة – التآزر بين العين والإيد – المهارات الحركية الدقيقة.

طريقة اللعب

افتحوا البيض وافصلوا الأنصاف عن بعض، وبعدها خلي الطفل يختار قطعة ويدور على النص اللي ليه نفس الشكل واللون.

لما يلاقيه، يركّب النصين مع بعض ويقفل البيضة، وبعدها ينتقل لبيضة تانية. ومع الوقت ممكن تخلطوا الأنصاف كلها مع بعض علشان التحدي يبقى أكبر شوية.

مناسبة لمين؟

من 18 شهر فأكثر.

مناسبة للأطفال في مرحلة الاكتشاف الأولى، خصوصًا اللي بيحبوا يفتحوا ويقفلوا ويركبوا الحاجات بإيديهم، وكمان اختيار لطيف كهدية تعليمية لأن شكل علبة البيض وطريقة اللعب نفسها بيشدوا الطفل من أول ما يفتحها.