مجموعة البناء المغناطيسي المرن – 40 قطعة | Magnetic Tube Blocks

جموعة البناء المغناطيسي المرن – 40 قطعة لعبة STEM تدي الطفل مساحة يبني أشكال ومجسمات مختلفة بإيده. يمسك القطع المرنة، يمدّها أو يتنيها، ويوصلها بالقطع المغناطيسية لحد ما الشكل اللي في خياله يبدأ يتكوّن قدامه.

يقدر يبدأ من النماذج والأفكار الموجودة في الكتالوج، وبعدها يغيّر فيها أو يعمل تصميم جديد تمامًا من خياله. وكل ما يخلص شكل، يفك القطع ويرجع يستخدم نفس المجموعة في بناء حاجة مختلفة.

بتساعد الطفل في إيه؟

أثناء التركيب، الطفل بيبدأ يفكر: القطعة دي تتوصل منين؟ محتاج يثنيها في أي اتجاه؟ وإزاي يخلي المجسم ثابت وياخد الشكل اللي هو عايزه؟

وده بيشجعه على التخطيط والتجربة وإعادة المحاولة، وفي نفس الوقت بيديله مساحة كبيرة للإبداع؛ لأن نفس القطع ممكن تتحول كل مرة لشكل مختلف.

كمان مسك القطع وتوصيلها وفكها وثنيها بيساعد على التركيز، والتآزر بين العين والإيد، والمهارات الحركية الدقيقة، وفهم العلاقات بين الأشكال في الفراغ.

المهارات المستهدفة

الإبداع – التخطيط – التركيز – التفكير المكاني – حل المشكلات البسيطة – التآزر بين العين والإيد – المهارات الحركية الدقيقة – التجربة وإعادة المحاولة.

طريقة اللعب

الطفل يختار الشكل اللي عايز يبنيه، ويبدأ يوصل القطع ببعض باستخدام التوصيلات المغناطيسية. يقدر يمدّ القطع المرنة، يتنيها بزوايا مختلفة، ويغيّر اتجاهها لحد ما يوصل للشكل المطلوب.

وبعد ما يخلص، يفك المجسم ويبدأ من جديد في شكل تاني، سواء من النماذج المقترحة أو من خياله.

مناسبة لمين؟

من 3 سنوات فأكثر.

مناسبة خصوصًا للأطفال اللي بيحبوا التركيب والبناء وعمل أشكال بإيديهم، وبيستمتعوا بالألعاب اللي بتديهم مساحة يجربوا ويغيّروا ويطلعوا بأفكار مختلفة كل مرة.