مسار القطار المغناطيسي – 69 قطعة | Magnetic Track Builder Train Set

مسار القطار المغناطيسي – 69 قطعة لعبة STEM تدي الطفل مساحة يبني المسار من الكتالوج او من خياله ، يركّب القطع، يعمل منحنيات ومرتفعات، يغيّر اتجاه الطريق، وبعدها يشغّل القطر ويتابع حركته على المسار اللي هو بنفسه بناه.

الـ69 قطعة مش كلها مجرد أجزاء مسار؛ المجموعة فيها كمان تفاصيل بتخلي شكل اللعب أقرب لمدينة صغيرة، زي الأشجار وإشارات الطريق وعناصر الديكور والاستيكرات، فيقدر الطفل كل مرة يعمل شكل مختلف للمسار والمنطقة حواليه ويبدأ تجربة جديدة.

بتساعد الطفل في إيه؟

اللعبة بتشجعه إنه يفكر قبل ما يركّب: يحط القطعة دي فين؟ يكمل الطريق بإيه؟ يعمل الطلوع والنزول إزاي؟ ولو جزء مش راكب بالشكل اللي هو عايزه، يفكّه ويجرّب ترتيب تاني.

وده يخلّي وقت اللعب فرصة طبيعية للتدريب على التخطيط وحل المشكلات، لأن الطفل بيبني ويجرّب ويشوف النتيجة بنفسه.

كمان تركيب أجزاء المسار وربطها ببعض بيساعد على التركيز والتآزر بين العين والإيد والمهارات الحركية الدقيقة، ومع تعدد أشكال المسار الطفل يقدر يرجع للعبة كل مرة بفكرة مختلفة بدل ما تكون تجربة واحدة وخلاص.

المهارات المستهدفة

التخطيط – حل المشكلات – التركيز – التآزر بين العين والإيد – المهارات الحركية الدقيقة – التفكير المكاني – التجربة وإعادة المحاولة.

طريقة اللعب

الطفل يختار شكل المسار اللي عايز يعمله، ويبدأ يركّب القطع والمنحنيات والمرتفعات ويوصلها ببعض. بعد كده يضيف تفاصيل المدينة زي الأشجار وإشارات الطريق، ويحط القطار على المسار ويشغّله.

يقدر بعد أول تجربة يفك أجزاء من المسار، يغيّر التكوين، يعمل ارتفاعات أو منحنيات مختلفة، ويبني شكل جديد بالكامل.

مناسبة لمين؟

من 3 سنوات فأكثر

ومناسبة خصوصًا للأطفال اللي بيحبوا التركيب والبناء والقطارات وتجربة أفكار مختلفة بإيديهم، وكمان اختيار مميز كهديةلانها بتيجي في علبة بتصميم بارز وفخم لطفل بيحب الألعاب اللي فيها نشاط وتفاعل أكتر من مجرد المشاهدة.