كتاب الحروف الإنجليزية التفاعلي | My Alphabet Interactive Busy Book

كتاب الحروف الإنجليزية التفاعلي بيخلّي الطفل يتعرّف على الحروف بطريقة عملية: يشوف الحرف ويركّبه، يتتبّع طريقة كتابته بالقلم، ويربطه بصور وكلمات بتبدأ بنفس الحرف. والميزة إن الأنشطة قابلة لإعادة الاستخدام؛ القطع بتتفك وتتركب أكتر من مرة، والطفل يقدر يعيد المطابقة والتركيب كل ما يحب، وكمان الكتابة بالقلم بتتمسح علشان يرجع يتدرّب على تتبّع وكتابة الحروف من جديد.

الكتاب مكوّن من 14 صفحة، وكل صفحة بتقدّم حرفين مع بعض. كل حرف موجود بشكل Capital وSmall، ومعاه طريقة كتابته بالأسهم علشان الطفل يتدرّب على اتجاه وحركة كتابة الحرف.

ومع كل حرف فيه كلمتين وصور بيبدأوا بنفس الحرف؛ ممكن يكونوا حيوانات، فواكه، خضروات أو أشياء مختلفة، والطفل يطابق الصور والكلمات بالحرف المناسب. والصفحة المقابلة فيها أنشطة فك وتركيب ومطابقة تساعده يراجع اللي اتعرّف عليه وهو بيلعب.

أول صفحة بتجمع الحروف الإنجليزية Capital، وآخر صفحة بتجمع الحروف Small، علشان يقدر يرجع للحروف كلها ويقارن بين شكل الحرف الكبير والصغير.

بتساعد الطفل في إيه؟

• التعرّف على الحروف الإنجليزية: يشوف كل حرف بشكل Capital وSmall ويتعلم الفرق بينهم.
• التدريب على كتابة الحروف: الأسهم بتوضح له اتجاه كتابة الحرف، ومع القلم يقدر يتتبعه ويتدرّب عليه.
• ربط الحرف بالكلمة: كل حرف مرتبط بصور وكلمات بتبدأ بيه، فيبدأ يفهم إن الحرف جزء من كلمة مش شكل لوحده.
• زيادة الحصيلة اللغوية: يتعرّف أثناء اللعب على أسماء حيوانات وفاكهة وخضروات وأشياء مختلفة بالإنجليزي.
• المطابقة والتمييز البصري: يدور على الصورة أو الحرف المناسب ويركبه في مكانه.
• التركيز والتذكر: الأنشطة الموجودة بعد الحروف بتخليه يراجع المعلومة بطريقة مختلفة.
• التآزر بين العين والإيد والمهارات الحركية الدقيقة: أثناء فك وتركيب القطع، المطابقة، ومسك القلم والتتبع.

المهارات المستهدفة

التعرّف على الحروف الإنجليزية Capital وSmall، تتبع وكتابة الحروف، ربط الحرف بالكلمات، تنمية الحصيلة اللغوية، المطابقة، التمييز البصري، التركيز والتذكر، التآزر بين العين والإيد، والمهارات الحركية الدقيقة.

طريقة الاستخدام:

ابدأوا بحرفين في كل مرة. عرّف الطفل على شكل الحرف الكبير والصغير، وبعدها شوفوا الصور والكلمات اللي بتبدأ بنفس الحرف، وخلوه يفك ويركب ويطابق القطع بنفسه.

بعد كده يقدر يستخدم القلم في تتبع طريقة كتابة الحرف حسب الأسهم، ويعمل الأنشطة الموجودة في الصفحة المقابلة علشان يراجع الحروف والكلمات من خلال اللعب.

الأفضل تختاروا جزء صغير كل مرة وتكرروا النشاط حسب مستوى الطفل.

مناسبة لمين؟

مناسبة للأطفال من 3 سنوات فأكثر، خصوصًا في مرحلة ما قبل المدرسة وبداية تعلّم الحروف الإنجليزية والكتابة.

ومناسبة للأهل اللي بيدوروا على ألعاب مونتيسوري وأنشطة تعليمية عملية تعتمد على إن الطفل يشوف ويلمس ويركب ويطابق ويكتب بنفسه بدل الاعتماد على الحفظ فقط.

الكتاب بييجي مع قلم للكتابة والتتبع، وتصميمه التفاعلي بيدي الطفل أكتر من طريقة يتعامل بيها مع الحروف والكلمات.